Risttmõš

Ääʹjstep leekk ođđ piârneeʹǩǩ šõddmõõžž diõtt!

Risttâmpoodd ââʹnet takainalla 2-3 määnpââi ǩeeʹjjest tõʹst ǥu päärnaž lij šõddâm. Päärna vuäitt risttâd ceerkvest, sieʹbrrkåʹddpõõrtâst leʹbe dååma. Ceerkavkoontâr vieʹǩǩat da oudd teâđaid risttâmpoodd riâššâm vääras. 

Šiõǥǥ tieʹtted: Päärnast ferʹttai leeʹd uuʹccmõsân õhtt kueʹmm, kååʹtt lij konfirmõsttum evaŋkeel-luteerlaž vuäzzlaž. Tän lââʹssen kueʹmmen vuäitt leeʹd še person, kååʹtt kooll mõõn-ne jeeʹres kriistlaž ceerkavkådda, da kååʹtt preemm evaŋkeel-luteerlaž ceerkav risttmõõzzz. Uuʹccmõsân õhtt kueʹmm âlgg leeʹd mieʹldd risttâmpooddâst.

Jeeʹres kriistlaž ceerkavkååʹdd leʹbe ååskvaž õutstõõzz vuäzzlain lij vuõiggâdvuõtt tåimmad kueʹmmen, jõs ceerkavsååbbar lij priimmâm täi ceerkavkooʹddivuiʹm da ååskvaž õutstõõzzivuiʹm tueʹjjuum suåppmõõžž. 

Papp väldd õhttvuõđ risttâmnalla åårrai päärna domoi. Teʹl son saǥstââll puärrsivuiʹm risttmõõžž miârkktõõzzâst da suäpp vueʹǩǩen åårrai aaʹššin. Papp saǥstââll še päärna nõõmâst, teʹl sieʹbrrkååʹddest feʹrttai seʹlvvted päärna nõõm lääʹǩǩvuõđ da tuåimted teâđ meer-rekisteera.  
Risttmõš tuåimtet ceerkvest, dååma leʹbe jeeʹres pääiʹǩest, koon papp da päärna puärraz sueʹppe.