Jeävstõõzz
JeäʹvstõõzzLinkki avautuu uudessa välilehdessä
Säʹmmla ceerkvest -haʹŋǩǩõs
Lääʹdd evankeel-luteerla ceerkav ceerkvallaš-sååbbar lij priimmâm plaan, koʹst ceerkav da säʹmmlai kõskksa tuõttvuõtt- da suåvâdvuõttprosessa kuulli haʹŋǩǩõʹsse vaʹrrje mieʹrrtieʹǧǧ eeʹjjid 2023 da 2024.
Haʹŋǩǩõõzz nõmm lij Säʹmmla ceerkvest, Sämmiliih kirhoost, Sápmelaččat girkus, Saamelaiset kirkossa. Ceerkvallaš-såbbar mieʹrrtieʹǧǧ vueiʹtlvâstt haʹŋǩǩõõzz, kååʹtt lij jiõččnaž da jeäʹrmõs valdia da säʹmmlai kõskksest tuõttvuõtt- da suåvâdvuõttkomissiost, koon šiõttee 28.10.2021. Ceerkav haʹŋǩǩõs juätkk luândlõʹžžen vueʹssen tõn tuâj, koon Lääʹdd evankeel-luteerla ceerkav lij raajjâm eeʹjji poodd säʹmmlai, sääʹmǩiõli da sääʹmkulttuur sââʹj raʹvvjem diõtt. Mieʹrrtieʹǧǧ mieʹtt sääʹmpapp Mari Valjakka juätkk tuâjas haʹŋǩǩõõzzâst eeʹjji 2023-2024 pââʹj projeeʹktest vaʹstteeʹjen tuâjjtuejjeeʹjen. Proseeʹssest pâjjan seâllhååidlaž täävtõs de vueiʹnnemkuʹlmm, koon kåčča haʹŋǩǩõõzzâst “jeeʹeltääʹzz” vueiʹnnemkuʹlmmen. Täin kovvee tõn, što haʹŋǩǩõõzzâst haaʹlee teivvad säʹmmlaid õhttân ooumžen da õhttõssân säʹmmlai dommvuuʹdest da gåårdin de taʹrjjeed lââʹssen naʹddjõsvuâlaž ǩiõttʼtõõllâd ceerkva, oskku da åskldõʹǩǩe kuulli lossâd aaʹššid. Proseʹss haaʹlad taʹrjjeed lââʹssen vueiʹtlvažvuõđ jueʹǩǩed õõutsââʹjest še puk tõn šiõǥǥ, mâiʹd oummu liâ ǩiõččlâsttam seäʹbrrkååʹdd tåimmʼmam pääiʹǩ.
Lââʹssteâđ: Aaʹrhelsåbbar pravleeʹnnʼja väʹlddpiisar Kari Kopperi, kari.kopperi@evl.fi, p. 050 5941317
Säʹmmla ceerkvest -haʹŋǩǩõõzz projeʹkttplaaneei Mari Valjakka, mari.valjakka@evl.fi, p. 040 1833460