Kristtmättškooul

Kristtmättškooulâst mättʼtet kriistlaž ååsk vuâđđfiʹttõõzzid. Kristtmättškooul vuâđđan lij risttâmpäkkmõš, koon Isõs lij ouddâm “Risttâd siʹjjid Eeʹjj da Pääʹrn da Pââʹss Jiõgg nõʹmme da mättʼted siʹjjid jääʹǩǩted puk, mâiʹd mon leäm päkkam tiʹjjid jääʹǩǩted..” Kristtmättškooul lij takainalla tõn eeʹjj, kuäʹss tieuʹddet 15 eeʹǩǩed. Pâʹjjel 80% nuõrin Lääʹddjânnmest joʹtte Kristtmättškooul. Mâʹŋŋlakast vuõrâsoummžen vuäitt jååʹtted vuõrâsoummui kristtmättškoouʹle. 

Uccjooǥǥ sieʹbrrkååʹddest riâžžât nuõrid sääʹmm kristtmättškooul, koʹst lie sääʹmǩiõllsâž da lääʹddǩiõllsaž mättʼtemjoouk. Kristtmättškooul riâžžât õõutveäkka ceerkav sääʹmtuâjain. 
 

Kristtmättskooulvuâr

Sieʹbrrkådda iʹlmmtõõttmõš (kålggmään-vueʹssmään)

• Altteemneäʹttel-lopp
• Leiʹrr
• Konfirmaatio 

Kristtmättškoouʹle iʹlmmtõõttmõš älgg påʹrǧǧmannu looppâst, kuäʹss riâžžât kristtmättškooul infopoodd še, koozz kååččat puk 15 eeʹǩǩed teâuddjam sieʹbrrkååʹdd vuäzzlaid õõutsââʹjest puärrsivuiʹm leʹbe jeeʹres huõlteeʹjivuiʹm.