Govva: Sara Kangas-Korhonen

Rohkosboddu buohcci luhtte

Sálbma 

ovdamearkka dihte sg 178, sg 425, sg 426

Álgosivdnideapme

Áhči ja +Bártni ja Bassi Vuoiŋŋa nammii.

Biibbalsálbma (Sá. 23: 1-4)

Hearrá lea mu báimman,

ii mus váillo mihkkige. 

Ruonas gittiide son livvuda mu, 

vuoiŋŋadusa čáži lusa son láide mu. 

Son áhpásmahtttá mu sielu. 

Son doalvu mu vanhurskkisvuođa bálgáid mielde namas dihtii. 

Vaikko mun vádjolivččen jápminsuoivana leagis, 

de in balaše mange bahás. 

Dasgo don leat mu mielde. 

Du soabbi ja báimmansoabbi jeđđejit mu. 

Buressivdnideapmi

Gieđaidalabidjan

Doaimmahusa ollašuhtti bidjá gieđa buohcci oaivvi ala ja cealká: 

Son leat bassi gásttas váldojuvvon Ipmila agálaš árbmolihttui.

Beastámet Jesus Kristus lea lohpidan leat duinna juohke beaivve, 

dál ja eallimat loahpa rádjai. Son cealká: "Ustiban, leage 

dorvvolaš mielain, du suttut leat dutnje ándagassii addojuvvon."

Hearrámet Jesusa Kristusa árbmu ja Ipmila ráhkisvuohta ja 

Bassi Vuoiŋŋa oasálašvuohta lehkos duinna. 

Áhččámet

Áhččámet, don guhte leat almmis. 

Basuhuvvos du namma. 

Bohtos du riika. 

Šaddos du dáhttu, 

mo almmis nu maiddái eatnama alde. 

Atte midjiide odne min 

beaivválaš láibbi. 

ja atte midjiide min suttuide ándagassii, 

nugo miige ándagassii addit

velggoláččaidasamet. 

Alege doalvvo min geahččalussii, 

muhto beastte min bahás eret. 

Dasgo du lea riika ja fápmu

ja gudni agálašvuhtii. 

Ámen. 

Buressivdnádus

Hearrá buressivdnidivččii din ja 

ja várjálivččii din. 

Hearrá čuvgesii muođuidis didjiide

ja livččii didjiide árbmugas. 

Hearrá jorgalivččii muođuidis din

beallái ja attášii didjiide ráfi. 

Áhči ja +Bártni ja Bassi

Vuoiŋŋa nammii. 

Ámen

Loahpahanmusihkka

ovdamearkka dihte sg 178, sg 425, sg 426