Gásta

Liekkus lihkusávaldagat ođđa bearašlahtu riegádeami dihte!

Gástadilálašvuohta dollojuvvo dábálaččat 2-3 mánotbaji sisa das go mánná lea riegádan. Máná sáhttá gásttašit searvegoddedálus dahje ruovttus. Girkohearrádoaimmahat veahkeha álgui ávvudemiid ordnemis.  

Buorre diehtit
Mánás galgá leat aŋkke okta risváhnen. Risváhnen galgá leat evangelalaš-luteralaš girku konfirmerejuvvon lahttu. Dan lassin risváhnemin sáhttá leat eará kristtalaš girku lahttu, jus su ruoktogirku dohkkeha evangelalaš-luteralaš girku doaimmahan gástta. Uhcimustá okta risváhnen galgá leat mielde gástadoaimmahusas.

Eará kristtalaš girku dahje oskkoldatovttastumi lahtus lea vuoigatvuohta doaibmat risváhnemin, juos girkolaščoahkkin lea dohkkehan soahpamuša, man dát girkut dahje oskkoldatovttastumit leat dahkan.

Váhnemat váldet oktavuođa girkohearrá doaimmahahkii. Báhppa ságastallá váhnemiiguin ee. gástta mearkkašumis ja soahpá geavatlaš ortnegiin. Báhppa sagastallá maiddái máná namas, dasgo searvegoddi galgá čilget nama lágalašvuođa ja doaimmahit dieđu álbmotregistarii. 

Gásta doaimmahuvvo girkus, ruovttus dahje eará sajis man máná váhnemat ja báhppa ovttas sohpet.