Rihppaskuvla


Rihppaskuvllas oahpahit kristtalašvuođa vuođđodoahpagiid. Rihppaskuvla vuođđun lea gástagohččun, man Jesus lea addán ”..gásttašehpet sin Áhči ja Bártni ja Bassi Vuoiŋŋa nammii ja oahpahehpet sin doallat buot, maid mun lean din gohččon doallat..” (Matt. 28:18-20) Rihppaskuvla lea dábálaččat dan jagi, go nuorra deavdá 15 jagi. Badjel 80% nuorain Suomas vázzet rihppaskuvlla. Rihppaskuvlla sáhttá maiddái čađahit rávesolmmožin. 

Ohcejoga searvegottis lágiduvvo nuoraide sámerihppaskuvla, mas leat sámegielat ja suomagielat oahpahusjoavkkut. Rihppaskuvla lágiduvvo ovttas girku sámebargguin.

Rihppaskuvlaleairraid ja konfirmašuvdnabeivviid áiggiid sáhtát jearrat iežat ruoktosearvegottis. 

Rihppaskuvlaoasit:

 

  • Searvegoddái álmmuheapmi
  • Leaira
  • Konfirmašuvdna

Lasi dieđuid fidnet iežat ruoktosearvegottis. Rihppaskuvlii almmuheapmi álgá borgemánu loahpas, goas ordnejuvvojit maiddái rihppaskuvladiehtojuohkimat. Searvegoddi bovde buot 15-jagi deavdán searvegotti lahtuid ovttas vánhemiiguin dahje eará fuolaheaddjiiguin. 

Govva: Sara Kangas-Korhonen

Ohcejoga girku 

Govas rihppaskuvlalaččat vázzimin duottaris.
Govva: Sara Kangas-Korhonen. Sáme rihppaskuvla Ohcejogas. 

Govva:  Sara Kangas-Korhonen

Rihppaskuvla Ohcejogas.