Sápmelaččat girkus -fidnu

Suoma evangelalaš-luteralaš girku girkolaščoahkkin lea dohkkehan plána, mas girku ja sápmelaččaid gaskasaš duohtavuohta- ja soabadanprosessii laktáseaddji fidnui várrejuvvo mearreruhta jagiide 2023 ja 2024.

Fidnu namma lea Sämmiliih kirhoost, Sä’mmla ceerkvest, Sápmelaččat girkus, Saamelaiset kirkossa. Girkolaščoahkkima mearreruhta dahká vejolažžan fidnu, mii lea iehčanas ja sierranas stáhta ja sápmelaččaid gaskasaš duohtavuohta- ja soabadankommišuvnnas, mii ásahuvvui 28.10.2021. Girku fidnu joatká lunddolaš oassin dan barggu, man Suoma evangelalaš-luteralaš girku lea bargan jagiid mielde sápmelaččaid sihke sámegielaid ja sápmelaš kultuvrra sajádaga nanosmahttima ovdii. Mearreruđa mielde sámebáhppa Mari Valjakka joatká barggu fidnus jagiid 2023-2024 áiggi prošeavttas vástideaddji bargin. Lassin fidnu doarjjan doaibmá sierranas stivrenjoavku. Proseassas deattuhuvvo sielu divššu barganvuohki sihke geahččanguovlu, mii gohčoduvvo fidnus “jeageldási” geahččanguovlun. Dáinna válddahallo dat, ahte fidnus háliidit gávnnadit sápmelaččaid ovttaskas olmmožin ja searvvušin sápmelaččaid ruovttuguovllus ja gávpogiin sihke fállat dorvvolaš vuođu gieđahallat girkui, oskui ja oskkoldahkii laktáseaddji rašes fáttáidge. Proseassa háliida lassin fállat vejolašvuođa juohkit ovttas maiddái buot dan buori, maid olbmot leat vásihan searvegotti doaimmaid bokte.

Lassedieđut: Bismmáidčoahkkima kansliija váldočálli Kari Kopperi, kari.kopperi@evl.fi, p. 050 5941317

Sápmelaččat girkus -fidnu prošeaktaplánejeaddji Mari Valjakka, mari.valjakka@evl.fi, p. 040 1833460

Liŋka jagi 2023 raportii