Rippâškovlâ

Rippâškoovlâst máttááttuvvojeh ristâlâš osko tuáváduvah. Rippâškoovlâ vuáđđun lii kaastâpákkum, mon Jeesus lii adelâm ”..kästiđ sii Eeji já Alge já Pase Jiegâ noomân já máttááttiđ sii nuávdittiđ puoh, maid mun lam koččom tii nuávdittiđ...”(matt. 28:18-20) rippâškovlâ lii táválávt ton ive, ko nuorâ tiävdá 15 ihheed. Paijeel 80 % nuorâin Suomâst joteh rippâškoovlâ. Maŋeláá rävisolmožin puáhtá uásálistiđ rävisulmui rippâškoovlân. 

Ucjuuvâ servikoddeest uárnejuvvoo nuoráid sämirippâškovlâ, kost láá sämikielâg já suomâkielâg máttááttâsjuávhuh. Rippâškovlâ uárnejuvvoo oovtâst kirho sämipargoin. Rippâškoovlâ máttááttâs lii máhđulâš finniđ sehe anarâš- já tavesämikielân.

Rippâškovlâuásih:

• Servikoodán almottittem
• Rippâleirâ 
• Konfirmaatio

Rippâškoovlân almottittem álgá porgemáánu loopâst, kuás uárnejuvvojeh meiddei rippâškovlâtiätujyehimeh. Servikodde puávdee puoh 15 ihheed tiävdám servikode jesânijd oovtâst vanhimijguin teikkâ eres huolâttijjeiguin. Rippâškovlâ aaigijd já almottittem puávtáh tärhistiđ jieijâd päikkiservikoddeest.