Katkismus 

Katkismus ulmen lii muštâliđ uánihávt já čielgâsávt, mii ristâlâš osko lii. Ton tehálumos pargo lii uápistiđ mii eelliđ oskoost Imelân já rähisvuođâst kuáimásân. 

Love pákkumid, oskotubdâstâs já Eeči mii -rukkoos láá Katekismus vááimus. Toh láá ohtâsiih maaŋgâ kirkkokoodán kullee ristâláid.

Love pákkumid muštâleh eellim vuáđulaavâst: maid mij kolgâp porgâđ já maid kyeđđiđ porgâhánnáá. Oskotubdâstâs muštâl tast, kii Immeel lii, maid sun lii mii peeleest porgâm já maid sun mijjân addel. Eeči mii -rukkoos uápist mii ruhâdâllâđ Immeel, vâi mii pisoččijm oskoost sunjin já puávtáččijm eelliđ suu táátu mield. Kaastâ sakrament lii mii vuoiŋâlii eellim vuáđu. Ehidâs nannee mii eelliđ oskoost já rähisvuođâst. Ráámmát sääni, riipâ addâgâsadelem, rukkoos já Immeel sivnádâs kyeddih mii eellim čoođâ.