Kaastâ

Ennuv lukko uđđâ perruujeessân šoddâmist!

Kaastâtilálâšvuotâ tuálloo táválávt 2-3 máánu keččin tast ko páárnáš lii šoddâm. Párnáá puáhtá kästiđ servikoddetáálust teikkâ pääihist. Kirkkohiärrátoimâttâh iššeed aalgân áávvudmij orniimist.

Pyeri tiettiđ: Päärnist kalga leđe aainâs-uv ohtâ faddâr. Sun kalga leđe evaŋgellâš-luuteerlii kirho konfirmistum jeessân. Suu lasseen faddârin puáhtá leđe meid olmooš, kote kulá eres ristâlii kiirkon, mii tuhhit evaŋgellâš-luuteerlii kirho toimâttem kaastâ. Ucemustáá ohtâ faddâr kalgá leđe fáárust kaastâtoimâttâsâst.

Eres ristâlii kirho teikkâ oskoldâhovtâstume jesânist lii vuoigâdvuotâ toimâđ faddârin, jis kirholâščuákkim lii tuhhiittâm sopâmuš mon toh kirhoh teikkâ oskoldâhovtâstumeh láá ráhtám.

Vaanhimeh väldiv ohtâvuođâ kirkkohiärrátoimâttâhân. Pappâ sárnu vaanhimijguin el. kaastâ merhâšuumeest já suápá keevâtlijn aašijn. Pappâ savâstâl meiddei párnáá noomâst, tastko servikodde kalga čielgiđ noomâ lavâlâšvuođâ já toimâttiđ tiäđu aalmugregisterân.

Kaastâ toimâttuvvoo kirhoost, pääihist teikkâ eres saajeest talle ko párnáá vaanhimeh já pappâ tast suápih.