Niästádâsah
NiästádâsahLinkki avautuu uudessa välilehdessä
Sämmiliih kirhoost -haahâ
Suomâ evaŋgellâš-luuteerlii kirho kirholâščuákkim lii tuhhiittâm vuávám, mast kirho já sämmilij koskâsâš tuotâvuotâ- já sovâdâttâmprosesân lahtojeijee haahân väriduvvoo meriruttâ ivvijd 2023 já 2024.
Haavâ nommâ lii Sämmiliih kirhoost, Sä’mmla ceerkvest, Sápmelaččat girkus, Saamelaiset kirkossa. Kirholâščuákkim meriruttâ máhđulist haavâ, mii lii jiečânâs já sierâ staatâ já sämmilij koskâsii tuotâvuotâ- já
sovâdâttâmkomissiost, mii asâttui 28.10.2021. Kirho haahâ juátká ton pargo luándulâš uássin, mon Suomâ evaŋgellâš-luuteerlâš kirkko lii porgâm iivij mield sämmilij sehe sämikielâi já sämmilii kulttuur sajaduv nanodem oovdân. Meriruuđâ mield sämipappâ Mari Valjakka juátká pargo haavâst iivij 2023-2024 ääigi projektist västideijee pargen. Lasseen haavâ toorjân tuáimá sierâ stivrimjuávkku. Prosesist tiäduttuvvoo siälutipšoo porgâmvyehi sehe keččâmkuávlu, mii haavâst kočoduvvoo “jäviltääsi” keččâmkuávlun. Tain valdâluvvoo tot, ete haavâst halijdeh teivâdiđ sämmilijd ohtâgâs, ovtâskâs olmožin já siärvusin sämmilij päikkikuávlust já kaavpugijn sehe faallâđ torvolii vuáđu kieđâvuššâđ kiirkon, ooskon já oskoldâhân lahtojeijee rašes fáádáid-uv. Proosees haalijd faallâđ lasseen máhđulâšvuođâ jyehiđ oovtâst meiddei puoh tom pyere, maid ulmuuh láá feerim servikode tooimâi peht.
Lasetiäđuh: Pispečuákkim kanslia váldučällee Kari Kopperi, kari.kopperi@evl.fi, p. 050 5941317
Sämmiliih kirhoost -haavâ proojeektčällee Mari Valjakka, mari.valjakka@evl.fi, p. 040 1833460