Kirhoi maailmrääđi ekumeenlâš kuávdáš Genevest, Sveitsist Kove: Albin Hillert/WCC

Kirhoi maailmrääđi já algâaalmugpargo

 

Kirhoi maailmrääđi (eŋg. World Council of Churches) lii kirhoi almugijkoskâsâš ohtsâšpargo-orgaan. Kirhoi maailmrááđán kuleh suullân 340 kirkkod 120 riijkâst. Kirhoi maailmrääđi vuáđudui 1948 Amsterdamist olášuttiđ ekumeenlijd uulmijd. 


Kirhoi maailmrääđi váldukuávdáš lii Genevest, Sveitsist. Suomâst ohtsâšpargokyeimin lii el. 1917 vuáđudum Suomâ ekumeenlâš rääđi. 
Kirhoi maailmrääđi váldučuákkimij koskâ lii suullân čiččâm ihheed. Čuávuvâš váldučuákkim lii Saksaast čohčuv 2022

Kirhoi maailmrääđi algâaalmugij pargo 


Kirhoi maailmrääđi algâaalmugij pargo lii ohtâ máhđulâšvuotâ ovdediđ algâaalmugijd aašijd kirhoi koskâsii ekumeenlâšpargoost. Suomâ ev.lut. kirho sämipargo ráđádâllâmkodde oovtâst Taažâ já Ruotâ Säämi kirkkoraađijn láá iävtuttâm sämmilij paapâ Mari Valjakka Kirhoi maailmrääđi algâaalmugpargojuávkun.

Valjakka lii porgâm Kirhoi maailmrääđi algâaalmugij referensijuávhu saavâjođetteijen ive 2018 rääjist. Pargojuávhu lii rahttâtmin Kirhoi maailmrääđi váldučuákkimân já vuáváámin ovdâčuákkimijd algâaalmugáid já algâaalmugij nuoráid. Algâaalmugeh miätá maailm láá uásálistmin Kirhoi maailmrääđi váldučuákkimân já ovdâčuákkimân Karlsruhest, Saksaast čohčuv 2022.

Kuvassa on kirkkojen maailmanneuvoston ekumeeninen keskus Genevessä, Sveitsissä.
Kirhoi maailmrääđi ekumeenlâš kuávdáš Genevest, Sveitsist. Kove: Albin Hillert/WCC