Seäʹbrrkåʹddvaalin piâzzak vaaikted tuu seäʹbrrkååʹdd da seämmast täujja še tuu jälstemvuuʹd pueʹttiäigga. Vaalivuiʹm vaʹlljuum oskkum oummu tuʹmmje määŋgin tääʹrǩes aaʹššin, kook kueʹsǩǩe seäʹbrrkååʹdd leʹbe seäʹbrrkåʹddõhttâm toiʹmmjummuž, tällõõzz da vaaldâšm. Äʹn jiõnnad kollai seäʹbrrkåʹddvaalin!
Tuu seäʹbrrkåʹdd taarbaš juõʹǩǩâkksaž, jeeʹres nalla juurdčeei seäʹbrrkåʹddniiʹǩǩid võboršeʹǩǩen, koin oskkum oummuid vaʹlljeet. Vuäitak õhttõõttâd tuu seäʹbrrkååʹdd võboršeǩliʹstte leʹbe vuâđđeed jiijjad vaʹlljeemõhttõõzz. Ko haaʹlääk äʹlǧǧed võboršeʹǩǩen, vääʹld õhttvuõđ tuu seäʹbrrkååʹdd ceerkavkonttra, tuu seäʹbrrkååʹdd konttra leʹbe ânnʼjõž oskkum oummuid da kõõjj lââʹzz vuäʹppõõzzid.
Võboršeʹǩǩen älggmõʹšše õhttneei lomaakkid kaaunak tääiʹben. (liŋkk) Võboršiiʹǩǩid jurddum materiaal käunnʼje materiaalbaaŋkâst.
Võboršiiʹǩǩi piijjmõš poott 15.9.2026.
Ouddjiõnstummuž riâžžât 3.–7.11. Vaalpeiʹvv lij pâʹsspeiʹvv 15.11.2026. Ouddǩiõʹtte vuäitt jiõnsted koon täättas ouddjiõnstempääiʹǩest Lääʹddjânnmest. Vuäitak kuuitâǥ jiõnsted tåʹlǩ tuu seäʹbrrkååʹdd võboršeeʹǩǩ. Vaalpeeiʹv vuäitak jiõnsted tåʹlǩ tuu seäʹbrrkååʹdd jiõnstempääiʹǩest. Jõs taarbšak dommjiõnstummuž, vääʹld ouddǩiõʹtte õhttvuõđ tuu seäʹbrrkådda.
