Mon ååskam Eʹmmla, Ečča, Pukvääldleʹžže ââʹlm da jânnam blouslõõvvja,
da Isõʹsse Kristõʹsse, Eʹmmel oʹdinakai Pärnna mij Šuʹrre, kååʹtt šõkkni Pââʹss Jiõggâst, da šõõddi nijdd Määʹrjest, muõkkšõõvi Pontius Pilatuuzz ääiʹj, riʹstte takku, jaaʹmi da äudda ruõʹǩǩe, njiejai vuâlas jaammjiriʹǩǩe, kaggõõđi jaammjest kuälmad peeiʹv, mõõni pââjas õõʹlmid, išttâd åårr Eʹmmel, Eeʹjj, Pukvääldla, vuäʹljes peäʹlnn da puätt toʹben suudâd jieʹllʼjid da jaammjid, da Pââʹss Jiõʹǧǧe pââʹss õhttsaž sieʹbrrkådda põõʹzzi õhttvuõʹtte, rieʹǩǩi proʹsttjummša jaammji pââjaskaggõõttmõʹšše da âʹǩǩpâjjsaž jeällma.
Eʹčč mij, kååʹtt leäk õõʹlmin. Pââʹzztummu leäǥǥas Tuu nõmmad. Puäđas Tuu väʹlddkåddad. Šââddas Tuu täättad mieʹldd, jânnmest nuʹtt še mäʹhtt ââʹlmest. Uuʹd miʹjjid täʹbbe juõʹǩǩpeiʹvvsaž leiʹbben. Da proʹstte miʹjjid veäʹlǧǧen, nuʹtt še mäʹhtt mij proʹsttjep veälǥlaideen. Jeäʹl-ǥa sääʹtt miʹjjid ǩeâhssa, nâǥa pieʹst miʹjjid ǩeähnast. Teʹl tuu lij väʹlddkåʹdd, viõkk da cistt âʹǩǩpââjas. Amen.
“Muʹnne lij uvddum puk vääʹld ââʹlmest da jânnam âʹlnn. Vueʹlǧǧed tän diõtt da tueʹjjeed puk meeraid muu mättʼtõspäʹrnnen: Risttâd siʹjjid Eeʹjj da Pääʹrn da Pââʹss Jiõgg noʹmme da mättʼteʹǩed siʹjjid jääʹǩǩted puk mâiʹd mon leäm kåččam tiʹjjid jääʹǩǩted. Da mon leäm tiʹjjivuiʹm puk peeiʹv maaiʹlm loopp räjja.”
(Matt. 28:18-20)
Šurrâm Isõs Kristõs, tõn iinn ǥo suu plõõttješ vaaʹldi leeiʹb, blouslõõvi, muuʹrdi, uuʹdi tõn mättʼtõspääʹrnees da cieʹlǩi Väʹldded da poorrâd, tät lij muu rååʹpp, mii uuʹdet tij peäʹlest. Tueʹjjeʹǩed tän muu mošttan.
Son vaaʹldi cieʹrǩ še, späʹssbõõžži da säärnai: Väʹldded da juukkâd täʹst, tij puk. Tät ceäʹrǩǩ lij ođđ lett muu võõrâst, mii koolǥtet tij peäʹlest rieʹǩǩi proʹsttjõõzz vuäǯǯam diõtt. Nuʹtt täujja ǥo tij tõʹst juukkveʹted, tueʹjjeʹǩed tän muu mošttan.
(Matt. 26:26-29; Mark. 14:22-25; Luuk.22:14-20; 1.Kor. 11:23-25)
Šurr blouslõõvas tiʹjjid da varjjlââǥǥas tiʹjjid. Šurr čuõvvnââǥǥas tiʹjjid muâđaid da leäǥǥas tiʹjjid äärmlaž. Šurr jåårǥstââǥǥas muâđaid tij peälla da ooudas tiʹjjid rääuh. Eeʹjj da Pääʹrn da Pââʹss Jiõgg noʹmme Amen.
