Searvegoddeválggain don beasat váikkuhit iežat searvegottát ja seammás maiddái ássanguovllut boahttevuhtii. Válggain válljejuvvon luohttámušolbmot mearridit máŋggain dehálaš áššiin, mat gusket searvegotti dahje searvegoddeovttastumi doaimma, ekonomiija ja hálddahusa. Atte jienat gullosii searvegoddeválggain!
Du searvegoddi dárbbaša buotahkásaš, eará láhkai jurddašeaddji searvegotti olbmuid evttohassan, maid gaskkas luohttámušolbmot válljejuvvojit. Sáhtát searvat searvegottát evttohaslistui dahje vuođđudit iežat válljenovttastusat. Go háliidat álgit evttohassan, váldde oktavuođa searvegottát kirkohearrádoaimmahahkii, searvegottát doaimmahahkii dahje dálá luohttámušolbmuide ja jeara lasi rávvagiid.
Evttohassan álgimii gullevaš skoviid gávnnat dáppe. (linkki)
Evttohasaide oaivvilduvvon materiála lea materiálabáŋkkus.
Evttohasásaheapmi nohká 15.9.2026.
Ovdajienasteapmi ordnejuvvo 3.–7.11. Válgabeaivi lea sotnabeaivi 15.11.2026.
Ovddalgihtii sáhttá jienastit man beare ovdajienastanbáikkis Suomas. Sáhtát goittotge jienastit dušše iežat searvegottát evttohasa. Válgabeaivve sáhtát jienastit dušše iežat searvegottát jienastanbáikkis. Jus dárbbašat ruovttujienasteami, váldde ovddalgihtii oktavuođa iežat searvegoddái.
