Niegádin,
eai leat mu lávus loavdagat
eai árrangeađggit.
Nuortan bohte čáhppes násttit
dolvo mu divraseapmosa.
De muhtumin soitet
mu lávus loavdagatnai,
ja ruoná násttit bajábealde.
Mu sielus lea hávvi,
liikká doaivva ain eallá.
Gálggojávrris suoidnemánus 2009, Maarit Magga
Liekkus oassádallan lagamuččat jápmima dihte. Hávdáivitkamis mii luohpadit vádjolan ráhkkáseamet buori Ipmila háldui. Mii mieđuštit su áigeordaráji badjel ja buressivdnidit su vuordit bajásčuožžileami beaivvi. Girkohearrádoaimmahagain sáhttá soahpat hávdádeami ordnemis ja várret hávdádeami áiggi, girku, báhpa ja kántora. Muitodilálašvuohta sáhttá leat maiddái omd. searvegoddedálus.
Veahket min morraša siste almmi Áhččái luohttit luohpadit Ipmilii ráhkkáseamet ollásit. Gitta din boarisvuođa rádjái mun lean seammá, mun guottán din velá dallege go din vuovttat leat čurggodan. Nu mun lean dahkan ja nu ain dagan, mun lokten, guottán ja gájun din. (Jes. 46:4) Olbmo beaivvit leat nugo rásit: Nugo gietti rássi son liđiida, ja go biegga manná su badjel, de son ii leat šat eambbo iige su báiki šat dovdda su. Muhto Hearrá árbmu lea agálašvuođas agálašvuhtii daid oassi geat ballet sus. (Sálmmaid girji 103: 15-16)
